السياحة في مصر - الاهرامات والفراعنة 


في جولة سريعة ومبسطة في ارض الجيزة هنلاقي هناك 3 اهرام كبار لو متعرفش هما ايه دول وايه سبب وجودهم ..تعال معانا في مقال النهاردة نعرف هم ايه دول وموجودين ليه ..!!

الاول ايه تاريخ وحكاية الاهرامات دي ..؟ 

الاهرامات دي موجودة في محافظة الجيزة التابعة لدولة مصر واتبنت علي يد ملوك اسمهم خوفو وخفرع ومنكاورع قبل 25 الف سنه قبل الميلاد ( قبل ميلاد سيدنا عيسي ) 
قديما في مصر ايام الفراعنة والملوك دول اللي هما خوفو وابنه خفرع وحفيده منكاورع كانوا بياءمنوا بحاجة اسمها البعث والخلود بعد الموت 

يعني ايه البعث والخلود بعد الموت دي ..؟

يعني كانوا بيعتقدوا ان لما حد فيهم يموت روحه هترجع لجسده تاني ويعيش حياة ابدية خالدة بلا موت .

فعلي شان كده كانوا بيبنوا الاهرامات دي علي شان الملك يتدفن فيها لانهم معتقدين ان روحه هترجع وهيعيش فيه يعني ده هيبقا بيته بعد الموت وكانوا بيحطوا مع الجثة الاكل والشرب والذهب وكل حاجة ممكن يحتاجها في حياته التانية اللي هتبقا في الهرم .

وعلي شان كانوا بيعتقدوا كل ده فكانوا بيحنطوا الجثث ( الملوك بعد ماتموت ) علي شان الروح لما ترجع تتعرف عليه ميبقاش الجثة تحللت .

والسبب  الاهم انهم بنوا اهرامات بالحجم ده علي شان يحتفظو علي جثة الملك من السرقة , لدرجة ان بناء الهرم الواحد كان بياخد وقت منهم اكتر من 20 سنه , لان الهرم تم بناءه من احجار عملاقة تم وضعها فوق بعض بطريقة هندسية عظمية من المصريين القدماء اللي كانوا بيتميزوا بفنون العمارة والهندسة .

الهرم الاكبر ( هرم خوفو ) 

تم بناء الهرم الاكبر للملك خوفو اللي وصل ارتفاعه لطول 147 متر ويتكون من 2.3 مليون قطعة من الحجارة الضخمة اللي استخدموها في بناء الاهرامات اللي كان وزن القطعة الواحدة يصل ل 2 طن بابعاد 1*1*1 

الهرم المتوسط ( هرم خفرع ابن الملك خوفو )

وده كمان بعد تولي الحكم بدلا من ابيه الملك خوفو قرر انشاء هرم ثاني مماثل لهرم والده ويقع بجانبه حتي يكون مثواه الاخير بعد موته وبيته الابدي حسب اعتقادهم في البعث والخلود .

الهرم الاصغر ( هرم منكاورع ابن الملك خفرع وحفيد الملك خوفو )

ايضا كما فعل ابيه وجده قام ببناء الهرم الثالث وسمي باسمه هرم منكاورع وذلك لاعتقاده مثل ابيه وجده في البعث والخلود بعد الموت والحياة الابدية .


فالسبب الرئيسي من وجود هذه الاهرامات وغيرها من الاهرامات الاخري تم بناءها للاعتقاد المصريين القدماء في البعث والخلود بعد الموت .

وها هي الاهرامات اصبح احد عجائب الدنيا السبع واللتي ياتي اليها الزاور من جميع انحاء العالم ليروا جمال وعظمة الابداع المصري القديم .

Post a Comment

أحدث أقدم